Refa mwingine aambulia kipigo

Waziri Shea muamuzi wa kitaifa wa mpira wa miguu amejikuta akipigwa ngumi nzito na mchezaji katika mechi ya ligi kuu ya Zanzibar kati ya timu ya Mkwajuni na Zima Moto mara baada ya kuonekana anapendelea timu moja.Mkasa huu umemtokea tena kwa muamuzi Israel Nkongo Mujuni katika mechi Yanga dhidi ya matajiri Azam ambapo alipigwa ngumi na beki wa yanga bwana Stephano Mwasika.
Ilikuwa ni baada ya kutoa kadi nyekundu mbili kwa Haruna Niyonzima na Nadir Haroub.Yanga ilijikuta kumaliza mchezo huo na wachezaji nane huku ikipoteza mechi kwa kufungwa 3-1
Aidha kamati ya ligi kuu iliamua kumfungia kucheza soka kipindi cha mwaka mzima na mchezaji huyo kukiri kosa na kukubali adhabu ingawa mpaka sasa hajakabidhiwa barua yoyote

Naye, Jerryson Tegete aliyefungiwa mechi sita pamoja na adhabu ya faini ya sh.500,000 aidha alijitetea kwa kusema aliingia uwanjani kwa nia ya kutuliza zengwe na sio vinginevyo.Mbali na mchezaji huyo adhabu hiyo pia iliipita kwa Nadir Haroub, ambaye atakosa mechi sita pamoja na adhabu ya kulipa faini ya Sh500,000, huku Omega Seme na Nurdin Bakari wakikosa mechi tatu na kulipa faini ya Sh500,000.
Kwa upande wa msemaji wa Yanga, Luis Sendeu kwa niaba ya uongozi alisema, wamepata barua toka TFF, lakini hawajaridhishwa na uamuzi huo kwani haukuzingatia kanuni za uendeshaji ligi